Reviderejuvvon nationálabušeahtta:
Ráđđehus árvala joatkit kiropráktorortnega ruhtadeami álbmotoaju bokte
Ođas | Almmustahtton: 15.05.2025 | Dearvvašvuođa- ja fuolahusdepartemeanta
Reviderejuvvon nationálabušeahtas árvala ráđđehus joatkit ruhtadit kiropráktorortnega álbmotoaju bokte. Duogážin dasa lea ahte Stuoradiggi lea bivdán dan, joatkin dihte vejolašvuođa čohkket dieđuid mat leat deaŧalaččat dutkamii. Árvalus meroštallojuvvo máksit 8,8 miljovnna kruvnno jahkásaččat.
Go kiropráktoriid ruhtadeapmi jotkojuvvo álbmotoaju bokte, de mielddisbuktá dat ahte dieđut buot priváhta dearvvašvuođa- ja fuolahusbálvalusain sáhttet čohkkejuvvot nationála dearvvašvuođaregistariidda. Dát leat dieđut main lea mearkkašupmi deahkke- ja dáktegillámušaid dutkamii.
Árvalus mielddisbuktá maid ahte pasieanttain ain lea vuoigatvuohta oažžut gokčojuvvot goluid kiropráktordikšui ja mátkkiide dohko.
Ráđđehus árvalii álgoálggus heaittihit dán ortnega ja baicca geavahit ruđa eará vuoruhuvvon doaimmaide, muhto dan ii dorjon Stuoradiggi.
Evttohus reviderejuvvon nationálabušeahtas joatkit távstta mielddisbuktá njeallje kruvnno juohke távstta nammii ja meroštallojuvvo máksit 8,8 miljovnna kruvnno jahkásaččat.